საქართველოს განათლებისა და მეცნიერების მინისტრის ალექსანდრე ჯეჯელავას განცხადებით, შეძლებული ოჯახებიდან მოსწავლეები უფასო სახელმძღვანელოებსა და კომპიუტერებს კვლავ მიიღებენ.

„როგორც ჩანს, არავის მოეწონა ჩემი ეს მოსაზრება და ამიტომ ეს არ მოხდება, თანაც, ძალიან ცოტაა ასეთი ოჯახი. ეკონომიას ვერაფერს მივიღებთ და ტყუილა შევაწუხებთ ხალხს", - განაცხადა ალექსანდრე ჯეჯელავამ.

მისივე ინფორმაციით, მომავალ წელს მოსწავლეები უფასო სახელმძღვანელოებს მიიღებენ და შესაბამისი თანხა სახელმწიფო ბიუჯეტში გათვალისწინებულია.