წინასწარი მონაცემებით, მან უკვე იშოვა სამსახური ისრაელის ერთ-ერთ ტელეარხზე.

მასმედიაში ვრცელდება ინფორმაცია, რომ რუსი ტელეწამყვანი ლეონიდ პარფიონოვი ემიგრაციაში წავიდა და მოქალაქეობა შეიცვალა. ისრაელის ტელეარხ Iland-ის ცნობით, მისმა ქალიშვილმა სოციალურ ქსელში განათავსა შერემეტევოს აეროპორტში გადაღებული ფოტო გეოგრაფიული აღნიშვნით.

როგორც ამბობენ, ჟურნალისტმა საპასპორტო კონტროლის გავლისას წარადგინა მუდმივი საცხოვრებელი ადგილის დამადასტურებელი ვიზა.

ზოგიერთი მონაცემით, პარფიონოვმა ინფორმაცია არ დაადასტურა.

ლეონიდ პარფიონოვი  - ცნობილი რუსი ტელეჟურნალისტი, რეჟისორი, მსახიობი, რამდენიმე პოპულარული ტელეპროექტის ავტორი.