რუსეთის სასამართლომ უკრაინელი მფრინავი ნადეჟდა სავჩენკო დამნაშავედ ცნო.

ვერდიქტის თანახმად, როსტოვის ოლქის დონეცკის სასამართლომ სავჩენკო დამნაშავედ რუსეთის საზღვრის უკანონო გადაკვეთასა და რუსი ჟურნალისტების დაღუპვის საქმეში გამოაცხადა.

„სავჩენკომ განახორციელა მკვლელობა სიძულვილისა და მტრობის მოტივით", - განაცხადა მოსამართლემ.

განაჩენის თანახმად, სავჩენკომ დანაშაულებრივი ქმედება ლუგანსკის ოლქის მცხოვრებლების და ზოგადად, რუსულენოვანი ხალხის მიმართ მტრული დამოკიდებულების გამო განახორციელა.