ვაჭრობის საკითხებში ევროკომისრმა სესილია მალმსტრომმა საქართველოს პრემიერ-მინისტრ გიორგი კვირიკაშვილთან შეხვედრის შემდეგ  განაცხადა, რომ საქართველოს პრემიერთან  განიხილეს ვიზა-ლიბერალიზაციის საკითხი, რომელი მალე შევა ძალაში.

„საქართველოს პრემიერ-მინისტრთან წარმატებული შეხვედრა გვქონდა, განვიხილეთ ვიზა-ლიბერალიზაციის საკითხი, რომელიც ძალიან მალე შევა ძალაში", - განაცხადა სესილია მალმსტრომმა.

მისივე თქმით, ძალიან მნიშვნელოვანია თავისუფალი ვაჭრობის თემაც და შეხვედრაზე განიხილეს, რა უნდა გაკეთდეს უფრო მეტი შედეგის მისაღწევად.

„მინდა, მივულოცო პრემიერს წარმატებული რეფორმები, რომ სტიმულირება მოხდეს თავისუფალი ვაჭრობის.  ჩვენ უნდა დავინახოთ მეტი წინსვლა. ჩვენ ვმუშაობთ,  რომ მხარი დავუჭიროთ საქართველოში საკვების უვნებლობის უზრუნველყოფას. ჩვენ გვინდა, გავზარდოთ საქართველოს ინფორმირებულობა მცირე და საშუალო ბიზნესის მხარდასაჭერად", - განაცხადა სესილია მალმსტრომმა.

მისი თქმით, საქართველოსა და ევროკავშირს შორის უკვე დამყარდა ხანგრძლივი თანამშრომლობის ტრადიცია.