სირიის ქალაქ ალეპოში, პარასკევს, ბავშვთა საავადმყოფოს დაბომბვისა და ჩვილების გადარჩენის მძიმე კადრებს ტელეკომპანია „ალ ჯაზირა" ავრცელებს.

გადამღები ჯგუფი საავადმყოფოში მიმდინარე კვირაში რუსულ-სირიული საჰაერო დარტყმების შედეგად გადარჩენილი ადამიანების შესახებ ამზადებდა მასალას, როდესაც საავადმყოფოზე თავდასხმა განხორციელდა.

„ალ-ჯაზირას" ინფორმაციით, საჰაერო თავდასხმის შედეგად ბავშვები არ დაშავებულან.

სირიის ადამიანის უფლებების მონიტორინგის ჯგუფის ინფორმაციით, მიმდინარე კვირაში ალეპოში რამდენიმე საავადმყოფოზე განხორციელდა თავდასხმა, რასაც მსხვერპლიც მოჰყვა.

უფლებადამცველთა ცნობით, ავიადარტყმები რუსული ავიაციის მხარდაჭერით ხორციელდება.