რუსეთის პრეზიდენტმა ვლადიმირ პუტინმა ლიმაში გამართულ პრესკონფერენციაზე განაცხადა, რომ აშშ-ის ახალარჩეული პრეზიდენტი დონალდ ტრამპი მზადყოფნას გამოთქვამს, მოსკოვთან ურთიერთობები გააუმჯობესოს.

„მე ჩემი მხრიდან, რა თქმა უნდა, იმავეს ვიზამ", - განაცხადა პუტინმა.

მისივე თქმით, წინასაარჩევნო რიტორიკასა და რეალურ პოლიტიკას შორის ყოველთვის დიდი სხვაობაა.

„აშშ მსოფლიოს წამყვანი ეკონომიკაა და იმაზე, თუ როგორ განვითარდება ის, რამდენად წარმატებით გადაწყვეტს ის მის წინაშე არსებულ პრობლემებს, მათ შორის სახელმწიფო ვალის პრობლემას, დამოკიდებული იქნება მსოფლიო ეკონომიკის სიჯანსაღის დონე", - განაცხადა ვლადიმირ პუტინმა.

მისი თქმით, დონალდ ტრამპთან შეხვედრის თარიღი ჯერ არ განხილულა.