რუსეთის პრეზიდენტმა ვლადიმირ პუტინმა ამერიკელ რეჟისორთან, ოლივერ სტოუნთან ინტერვიუში ფილმისთვის „უკრაინა ცეცხლში" განაცხადა, რომ მიხეილ სააკაშვილის გუბერნატორობა ოდესელებისა და ყველა უკრაინელის შეურაცხყოფა იყო.

„ეს ოდესელებისა და უკრაინელი ხალხის შეურაცხყოფა იყო. მას აშშ-ში სამუშაო ვიზაც კი არ მისცეს... ნუთუ არ არსებობენ პატიოსანი პროფესიონალი უკრაინელები მსგავსი თანამდებობისთვის?" - განაცხადა ვლადიმირ პუტინმა.

ოლივერ სტოუნის ფილმის „უკრაინა ცეცხლში" პრემიერა 21 ნოემბერს, რუსულ ტელეარხზე „რენ ტვ"-ის ეთერში გაიმართება.