BBC-ს ცნობით, დიდი ბრიტანეთის მთავრობაში მძაფრი კამათი მიმდინარეობს, დარჩეს თუ არა ქვეყანა ერთიანი ევროპული ეკონომიკური ზონის წევრი ევროკავშირიდან გამოსვლის შემდეგ.

იურისტების მოსაზრებით, ევროკავშირის დატოვება არ ნიშნავს ამ ზონიდან ავტომატურ გასვლას, თუმცა მთავრობის წევრთა ერთი ნაწილი თვლის, რომ რადგან ბრიტანეთი აღარ არის ევროკავშირის წევრი, იგი ავტომატურად ითვლება ყველა იმ ორგანიზაციიდან გასულად, რომელიც ევროკავშირის ბაზაზეა შექმნილი.