საქართველოს მთავარმა პროკურორის ირაკლი შოთაძის განცხადებით, კრწანისის სამხედრო ბაზაზე მომხდარზე გამოძიება დასკვნით ეტაპზეა.

„ამ ეტაპზე ჩატარებული გამოძიებით დადგინდა, რომ გუშაგი მოქმედებდა შიდა ინსტრუქციებით და შიდა ბრძანებების ფარგლებში. დანარჩენს რაც შეეხება, გამოძიება დასკვნით ეტაპზეა. მიღებული იქნება სამართლებრივი გადაწყვეტილება და ამის შესახებ გავრცელდება განცხადება", - განაცხადა ირაკლი შოთაძემ.

შეგახსენებთ, რომ მიმდინარე წლის 23 ოქტომბერს კრწანისის სამხედრო ბაზაზე ინციდენტი მოხდა. სამხედრო ბაზაზე სამმა პირმა შეღწევა სცადა, ერთ-ერთი მათგანი, გუშაგის მიერ გასროლას ემსხვერპლა.