ჟურნალისტი ნინო კვაჭანტირაძე facebook-ზე შემდეგ პოსტს აქვეყნებს:

„სააკაძის ხიდის ქვეშ გავძვერი, გავჩერდი თუ არა უცებ იხუვლა და მანქანა კაცების ალყაში აღმოჩნდა, ვხედავ ერთი- "კაპოტზე" გაწვა და ყვირის:

- გადით , მე ვიყავი პირველი, მე. ქალბატონო, მითხარი რა გინდა, „ციკლოვკა", კაფელი, რემონტი, დრელი, ყველაფერს ვაკეთებ, ყველაფერს... ამასობაში სხვები ყურადღების მისაქცევად ფანჯარაზე მიკაკუნებენ. ახლა მე ვყვირი...

- გადით, მაცადეთ მანქანიდან გადმოვალ.

- აგერ ქალბატონო, აგერ ვარ მე, მე-იძახინ.

-მომისმინეთ, ეზო მაქვს დასაბარი, ეზოოოო, ეს ვთქვი და დავინახე, კაცი როგორ ტყვიანაკრავივით გადახტა ჩემი მანქანის კაპოტიდან, ალყაც გაიშალა და "დისლოკაციის" ადგილებისკენ გაბრუნდნენ

- ეე, სად მიდიხართ, პატარა ეზო მაქვს დასაბარი.

- მიწას და ბარს ჭიათურიდან გამევექეცი, აქანე რაის მიწა გინდა, რა უნდა გადამიხადო ახლა მაგის დაბარვაში - მომაძახა უკვე თითქმის გაბრაზებულმა კაი იმერელმა კაცმა და დამტოვა გაღიმებული...

ეზოს დაბარვა ქურთის ბიჭი დამპირდა, 20 ლარად მომირიგდა, თან ნაგავს გაიტანს და დაალაგებს!!!!

(სერიიდან-ვაი, ჩვენს პატრონს)", - წერს ჟურნალისტი.