ახალციხის მუნიციპალიტეტის სოფელ აწყურთან ავტოსაგზაო შემთხვევას მსხვერპლი მოჰყვა. ავარიის შედეგად, ერთი პირი გარდაიცვალა, ექვსი კი დაშავდა.

სოფელ აწყურის შესასვლელთან, სატვირთო ავტომობილი და ხაშური-ახალციხის სამარშუტო ტაქსი ერთმანეთს შეეჯახნენ. შეჯახებისას რამდენიმე მგზავრი დაშავდა. შემთხვევის ადგილზე სასწრაფო-სამედიცინო სამსახურის ბრიგადა იმყოფებოდა, რომლებმაც დაშავებულები საავადმყოფოში გადაიყვანეს.

როგორც „კვირას" შს სამინისტროში განუცხადეს, გამოძიება სსკ-ის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.

წყარო :