ძლიერი შტორმია ბათუმის სანაპიროზე. ძლიერმა ტალღებმა ახალი ბულვარის ტერიტორიაზე ბილიკამდე მიაღწია.

სამაშველო სამსახურის მიერ მოწოდებული ინფორმაციით, ზღვამ ბალასტი ამოყარა აკვაპარკთან, ბულვარის ცენტრალურ შესასვლელთან, "პიერ-ბათუმთან" და  "ალი და ნინოს" ქანდაკებასთან.

ამ წუთებში სანაპიროზე იმყოფებიან ბულვარის ადმინისტრაციიის წარმომადგენლებიც, მათი ინფორმაციით, შტორმის დაკლებას ღამის 2 საათის შემდეგ ელოდებიან.

ამასთან, ქობულეთში, ფიჭვნართან  სამაშველოს სამსახურის შენობის პირველი სართული ტალღებმა შეანგრია.

სამაშველო და სახანძრო სამსახურების ინფორმაციით, ამ ეტაპზე გამოძახებები მოსახლეობის მხრიდან არ მიუღიათ და სიტუაცია კონტროლირებადია.

წყარო :