მწერალი პაატა ქურდაძე სოციალურ ქსელში ბრიუსელში განხორციელებულ ტერაქტებს ეხმიანება:

„საინტერესოა. აი ის მორალისტი ხალხი -პარიზის ყველა ტერაქტს შარლის დახვრეტილ კარიკატურისტებს რომ ტენიან, ნეტა რას ფიქრობენ, ბელგიელებმა რაღა დაუშავეს ალაჰს?"

ბოლო მონაცემებით, ბრიუსელში მომხდარი ტერაქტების შედეგად დაშავებულთა რაოდენობა 230-მდე გაიზარდა. ამის შესახებ ბელგიის მთავრობის ოფიციალურმა წარმომადგენელმა ტელეკომპანია "CNN"-ს განუცხადა.

ოფიციალური ბრიუსელის ცნობით, 100 ადამიანი აეროპორტში, 130 კი მეტროში მომხდარი ტერაქტების დროს დაშავდა.

რაც შეეხება დაღუპულთა შესახებ ინფორმაციას, ამ დრომდე ხელისუფლებას ზუსტი რაოდენობა არ დაუსახელებია. სხვადასხვა ინფორმაციით, ტერაქტებს 38-მდე ადამიანი ემსხვერპლა.