საქართველოს ყოფილმა მთავარმა პროკურორმა მურთაზ ზოდელავამ „რუსთავი2" - ის ეთერში სკანდალური განცხადება გააკეთა. მისი ინფორმაციით, ფარულად გაკეთდა ექსპრემიერის ზურაბ ჟვანიას გვამის ექსჰუმაცია, ექსპერტიზა ჩატარდა და „არაფერი აღმოჩნდა". მისივე თქმით, „საქმის გამოძიების პირველადი ვერსია სწორია და მისი საპირისპირო მტკიცებულებები არ არსებობს".

აღნიშნულ განცხადებას „კვირის პალიტრასთან" საუბარში ყოფილი პრემიერ-მინისტრის ძმა გოგლა ჟვანია გამოეხმაურა და აღნიშნა,  რომ ზოდელავას განცხადების მიზანი საზოგადების დეზინფორმირებაა.

„ზურას საფლავი ხალხმრავალ ადგილას, დიდუბის პანთეონშია, გარშემო კორპუსებია და შეუძლებელია ისე ჩატარებულიყო ეს პროცედურა, არავის შეემჩნია. ზოდელავას განცხადების მიზანი საზოგადოების დეზინფორმირებაა. დედაჩემი ყოველდღე დადის ზურას საფლავზე, ერთი დღე არ გამოუტოვებია და გადათხრილ საფლავს ვერ ნახავდა?!", - აცხადებს გოგლა ჟვანია.

წყარო :