პუბლიცისტი დათო გოგიშვილი ინტერპოლის მიერ, დათა ახალაიას ძებნილთა სიიდან ამოღებას ეხმაურება და სოციალურ ქსელში წერს:
„დათა ახალაია ინტერპოლმა ძებნილთა სიიდან ამოიღო და წითელი ცირკულარი მოუხსნა. იცით როგორი განცდა მეუფლება? პატიმართა წამების კადრების გავრცელების პირველ წუთებში ფილარმონიასთან გზა ვინც გადავკეტეთ, აი ის ხალხი არ ჩაგვსვან ინტერპოლის სიაში.
ცხონებულმა ნიკო გომელაურმა ხომ გახსოვთ რა თქვა?: „ჩვენს ქალაქში ყველაფერი მოსულა, აქ ჯამლეტამ ჯონდო დააორსულა..."
„ინტერპოლმა დათა ახალაიას ძებნა შეწყვიტა იმ მოტივით, რომ მის მიმართ პოლიტიკური ნიშნით დევნა მიმდინარეობს!"- აღნიშნული ინფორმაცია ბაჩო ახალაიას მეუღლემ, ანი ნადარეიშვილმა გაავრცელა.