ბრიუსელის ტერორისტულმა აქტებმა სხვა ადამიანებთან ერთად პერუელი ქალის, ტყუპების დედის სიცოცხლეც იმსხვერპლა. ინფორმაციას პერუს ოფიციალური უწყებები ადასტურებენ.

პერუს საგარეო საქმეთა მინისტრის მიერ Facebook-ზე გამოქვეყნებული განცხადების თანახმად, 36 წლის ადელმა ტაპია რუისი პირველია ტერორისტული აქტებისას დაღუპულ იმ ადამიანთა შორის, რომელთა ვინაობაც დადგინდა.

პერუს სააგენტო Peru21-ის ცნობით, აფეთქებისას დედასთან ერთად იმყოფებოდა მისი ერთ-ერთი, 3 წლის ქალიშვილიც, რომელიც დაშავდა.

ადელმას გარდაცვალებას მისი ძმა, ფერნანდო ტაპიაც ადასტურებს. როგორც მან BBC-ს განუცხადა, მისი და ბრიუსელიდან ნიუ-იორკში მიემგზავრებოდა, შემდეგ კი მის მონახულებას გეგმავდა პერუში.

ბრიუსელის აეროპორტსა და მეტროში თვითმკვლელი ტერორისტთა მიერ განხორციელებულ აფეთქებებს მინიმუმ 31 ადამიანი ემსხვერპლა, 250 კი დაშავდა. ადელმა რუისი პირველი იდენტიფიცირებული მსხვერპლია.

წყარო :