ცნობილ ფოტორეპორტიორს ირაკლი გედენიძეს დედა გარდაეცვალა. ამის შესახებ ინფორმაციას სოციალურ ქსელში ნათია გედენიძე ავრცელებს.

„19 წლის წინ მიშვილა და ჩემი გაზრდა განაგრძო. მასწავლა და მეფერა, ვუყვარდი და მიყვარს... დედის როლი მოირგო და მოახერხა კიდეც...

გუშინ მე აღმოვჩნდი მის გვერდით, მაშინ, როცა უცებ გაუჭირდა და ვერ ვუშველე...

მარინა ანდღულაძე... დღეს დილით ყავის გარეშე დამტოვა და დილითაც აღარ შემაღვიძა...

როგორ მტკივა, ირაკლი გედენიძე, მარტო შენი არა, ჩვენი მარინა..." - წერს ნათია გედენიძე.

პანაშვიდი: ხუთშაბათი, პარასკევი

დაკრძალვა: შაბათს 14 სთ.

მისამართი: თავაძის 9 (ნუცუბიძის 50)

1 სადარბაზო, 1 სართული

„რეპორტიორი" უსამძიმრებს ირაკლი გედენიძეს დედის გარდაცვალებას.