ნიქოზელ ვეტერანებს და მათი ოჯახის წევრებს სამედიცინო გამოკვლევები ჩაუტარდათ

- +

17 დეკემბერი. 2016. 19:47

ვეტერანების საქმეთა სახელმწიფო სამსახურისა და ასოციაცია - „საქართველოს ქალები მშვიდობისა და სიცოცხლისათვის" ორგანიზებით, დღეს გორის რაიონის სოფელ ნიქოზს სხვადასხვა სამედიცინო პროფილის 15 ექიმი-სპეციალისტი ეწვია.

ადგილობრივი ამბულატორიის შენობაში მედიკოსებმა ვეტერანებსა და მათი ოჯახის წევრებს უფასო სამედიცინო გამოკვლევები და კონსულტაციები ჩაუტარეს. პაციენტებს საჭიროებისამებრ უფასოდ გადაეცათ მედიკამენტებიც.

სახელმწიფო უწყების მხრიდან აქციას ესწრებოდნენ ვეტერანების საქმეთა სახელმწიფო სამსახურის დირექტორი ვლადიმერ იმნაძე, დირექტორის პირველი მოადგილე ნიკოლოზ კვეზერელი და სამსახურის სხვადასხვა დეპარტამენტის თანამშრომლები.

Description: Image may contain: one or more people