უფლებადამცველი გელა ნიკოლაიშვილი გაზეთ „ახალ თაობასთან" ინტერვიუში ამბობს, რომ ერთსქესიანთა ქორწინების დაკანონება მოდაა, რომელიც პარლამენტის ნეოლიბერალიზმის პოზაში ყოფნას უფრო ჰგავს, ვიდრე მათ პოზიციას.
„შესაძლოა, ერთმა ადამიანმა საკუთარი ნებით დაწეროს, მე რომ გარდავიცვლები, მეორე ადამიანს უფლებას ვაძლევ, ჩემი სხეული შეჭამოსო. აქაც ხომ თავისუფალი ნებაა გამოხატული?! ესეც ჩვეულებრივ ამბად უნდა მივიღოთ?! თუ ჩვენ ერთსქესიანთა ქორწინებას ნორმად დავაწესებთ, რომ აქ თავისუფალი ნებაა გამოხატული, მაშინ კანიბალიზმი, ზოოფილია და ინცესტიც ასევე უნდა დავაკანონოთ. აქაც ხომ ორი ადამიანის სურვილია გამოხატული", - განაცხადა გელა ნიკოლაიშვილმა.
მისივე თქმით, ადამიანებს შესაძლოა, ნებისმიერი სახის ურთიერთობა ჰქონდეთ, მაგრამ სახელმწიფო ამას არ უნდა აკანონებდეს და არ უნდა ამბობდეს, რომ ეს არის ნორმა.
„მე არც იმას ვამბობ, რომ ეს ავადმყოფობაა, მაგრამ ავადმყოფობა სხვაა და ნორმიდან გადახრა - სხვა. ნორმას ნორმა უნდა დაერქვას და სახელმწიფომ ნორმის ფარგლებში უნდა დაიცვას. ინიციატივები ერთსქესიანთა ქორწინებაზე, ეს უფრო პარლამენტის პოზაა, ვიდრე პოზიცია. ნეოლიბერალიზმის პოზაში ყოფნა მოდაა, ხოლო როდესაც ეს მოდა გაივლის, ეს ადამიანები ისტორიაში ძალიან სამარცხვინო ადგილს დაიკავებენ", - განაცხადა გელა ნიკოლაიშვილმა.