სირიის ქალაქ ალეპოს აღმოსავლეთ ნაწილში, ადგილობრივი მედიის ინფორმაციით, მოსახლეობის ევაკუაციისთვის განკუთვნილი ავტობუსები გამოჩნდა.

ავტობუსები დანიშნულების ადგილას ადგილობრივი დროით შუადღით მივიდნენ.

ავტობუსები ალეპოში წითელი ჯვრისა და სირიულ-არაბული წითელი ჯვრის ზედამხედველობით შევიდა.

სირიაში მსოფლიო ჯანდაცვის ორგანიზაციის წარმომადგენლის, ელიზაბეტ ჰოფის განმარტებით, ორგანიზაციაში იმედოვნებენ, რომ ევაკუაციის პროცესი ადგილობრივი დროით 14:00 საათისთვის დაიწყება.