სოფელ ნუკრიანში შენობას, რომელშიც განთავსებულია კულტურის და იუსტიციის სახლები, ლიბერთი ბანკის ფილიალი  ხანძარი გაჩნდა.

შსს-ს საგანგებო სიტუაციების მართვის სააგენტოს ცნობით, შემთხვევის ადგილზე რამდენიმე სახანძრო ბრიგადა მუშაობდა. ამ დროისთვის ხანძარი ლოკალოზებულია. ცეცხლის ჩასაქრობად დამხმარე ბრიგადების გამოძახება გახდა საჭირო.

ხანძარი 600 კვ.მ-ამდე ფართზე გაჩნდა. ოპერატიული რეაგირების შედეგად, მთლიანად გადარჩა ლიბერთი ბანკის ფილიალი, იუსტიციის სახლის ფართის 99%,  დაიწვა კულტურის სახლის დარბაზი და სახურავი.

ხანძრის გამომწვევ ერთ-ერთ მიზეზად ელექტროსადენის დაზიანება სახელდება.