დევნილი ხელისუფლების პრემიერ- მინისტრი ბესარიონ გუგუშვილი „ასავალ-დასავალისთვის"  მიცემული ძველი ინტერვიუდან კითხვას  ხელახლა სვამს და კოკო გამსახურდიას მიმართავს:

„თქვენი გაზეთისთვის (ასავალ-დასავალი, 2010, 5-11 ივლისი) მიცემულ ინტერვიუში, პირადად შენთან საუბარში, კოკო გამსახურდიამ აწ გარდაცვლილ ექიმ დავით ჯალაღონიაზე, რომელმაც ბალზამირება გაუკეთა ჯიხაშკარში გამსახურდიას ცხედარს, განაცხადა:

„ფილმის (დინების საწინააღმდეგოდ) შემქმნელი ჯგუფის წევრმა ნათია თოიძემ ინახულა ეს პიროვნება, თუმცა მასთან საუბრის ჩანაწერი არ არსებობს. სხვათაშორის, როგორც ნათია იხსენებს, ბატონი ჯალაღონია მძიმე ავადმყოფობის გამო, შეკითხვებზე არაადეკვატურ პასუხებს სცემდა."

რატომ არ ჩაიწერა ფილმის გადამღებმა ჯგუფმა ასეთი მნიშვნელოვანი მოწმის საუბარი, რათა ხალხს საშუალება ჰქონოდა, თვითონ გაეკეთებინა დასკვნა მისი პასუხების „არაადეკვატურობაზე?"