თურქეთის საგარეო საქმეთა მინისტრის მევლუდ ჩავუშოღლუს განცხადებით, ალეპოს აღმოსავლეთ ნაწილის დატოვება საერთო ჯამში 12 000 ადამიანმა შეძლო, აქედან 4 500 ადამიანმა ბოლო დღის განმავლობაში.

„საერთო ჯამში 12000 ადამიანი, მათ შორის 4 500 ბოლო დღის განმავლობაში ევაკუირებულია ოპოზიციის მიერ კონტროლირებადი ზონებიდან", - წერს „Twitter "-ზე მევლუდ ჩავუშოღლუ.

რამდენიმე ათეულმა ავტობუსმა, რომელსაც ათასობით ადამიანი გადაჰყავს, დღეს დილით დატოვა აღმოსავლეთ ალეპოს ნაწილი, რომელიც მეამბოხეების კონტროლის ქვეშაა.

ანკარაში თურქეთის საგარეო საქმეთა სამინისტროს ერთ-ერთმა თანამდებობის პირმა განაცხადა, რომ რუსეთის, ირანისა და თურქეთის საგარეო საქმეთა მინისტრები ხვალ მოსკოვში შეხვედრას გამართავენ, რათა ახალი იმპულსი მისცენ ალეპოში სიტუაციის დარეგულირების ძალისხმევას.