ბელგიის ჯანდაცვის მინისტრის მაგი დე ბლოკის განცხადებით, ბრიუსელის ტერაქტების დროს ათობით დაშავებულის მდგომარეობა კრიტიკულია.

ბოლო მონაცემებით, ბრიუსელში აფეთქებების შედეგად 31 ადამიანი დაიღუპა, 300-მდე დაშავდა, მათ შორის არიან 40 სახელმწიფოს მოქალაქეები.

ბელგიის ჯანდაცვის სამინისტროს ცნობით, საავადმყოფოებში ამ დრომდე 150 ადამიანი გადის მკურნალობას, 61-ის მდგომარეობა კრიტიკულია, 4 მათგანი კომატოზურ მდგომარეობაშია.

ბელგიის ჯანდაცვის მინისტრი მაგი დე ბლოკი არ გამორიცხავს, რომ უახლოეს დღეებში დაღუპულთა რაოდენობა გაიზრდება.