თურქეთის საგარეო საქმეთა მინისტრის მევლუდ ჩავუშოღლუს განცხადებით,  ანკარაში ქუჩას, სადაც რუსეთის ფედერაციის საელჩო მდებარეობს, გუშინ მოკლული რუსეთის ელჩის ანდრეი კარლოვის სახელს დაარქმევენ.

„ჩვენ მივიღეთ გადაწყვეტილება, ამის შესახებ თურქეთის პრემიერ-მინისტრმა მაცნო, უკვდავვყოთ ბატონი კარლოვის ხსოვნა და სახელი ანკარაში. კერძოდ, ქუჩას, სადაც რუსეთის საელჩო მდებარეობს, მისი სახელი დაერქმევა", - განაცხადა მევლუდ ჩავუშოღლუმ რუს კოლეგასთან სერგეი ლავროვთან ერთად გამართულ პრესკონფერენციაზე.

გუშინ თურქეთში რუსეთის ელჩი ანდრეი კარლოვი შეიარაღებული თავდასხმის შედეგად მოკლეს.