შინაგან საქმეთა მინისტრმა გიორგი მღებრიშვილმა კითხვაზე, იგეგმება თუ არა „სისხლის სამართლის კოდექსში" ცვლილებები, ე.წ. კანონიერი ქურდების მუხლთან დაკავშირებით, განაცხადა, რომ მუხლი ე. წ. კანონიერი ქურდების შესახებ ბუნდოვანია და დაზუსტებას საჭიროებს.

„მე სპეციალური ჯგუფიც გავგზავნე იტალიაში, სადაც საკმაოდ დიდი გამოცდილება აქვთ კრიმინალთან ბრძოლის წინააღმდეგ და ამ საკითხზე ვმუშაობთ. რანაირად შეიძლება შევარბილოთ „კანონიერი ქურდების" წინააღმდეგ სანქციები? - შერბილებას ნამდვილად არ ვაპირებთ. თუ რამე ცვლილება მოხდება, მხოლოდ გამკაცრების კუთხით", - განაცხადა გიორგი მღებრიშვილმა.