თბილისის სახელმწიფო უნივერსიტეტის რექტორმა გიორგი შარვაშიძემ დღეს გამართულ პრესკონფერენციაზე განაცხადა, რომ თსუ-მ რამდენიმე საერთაშორისო რეიტინგში გაიუმჯობესა თავისი ადგილი.

„ეს უპირველესად არის „თაიმსის უმაღლესი განათლების რეიტინგი". ეს ყველაზე სანდო რეიტინგია, სადაც მსოფლიოში ათასი ყველაზე წარმატებული უნივერსიტეტი ხვდება. ამ ათას საუკეთესო უნივერსიტეტს შორის მსოფლიოში ჩვენ ვართ მე-800 ადგილას. ვაპირებთ, რომ გავაუმჯობესოთ ეს შედეგი.

ასევე გაუმჯობესებულია უნივერსიტეტის პოზიციები ფიზიკის მიმართულებით, თბილისის სახელმწიფო უნივერსიტეტი 187-ე ადგილზე იყო მსოფლიოში, ხოლო ახლა კი, 184-ე ადგილზეა", - განაცხადა გიორგი შარვაშიძემ.