ფილიპინებს სუპერტაიფუნი ემუქრება. ქარის სიჩქარე 185 კილომეტრ/საათს აღწევს.

სტიქია ქვეყანის აღმოსავლეთ სანაპიროს უახლოვდება.

კატანდუანესის პროვინციის ვიცე-გუბერნატორმა მოსახლეობის ევაკუაციის შესახებ განკარგულება უკვე გასცა, თუმცა, პროვინციის მცხოვრებლებს შობის დღესასწაულზე საკუთარი სახლების დატოვება არ სურთ.

სინოპტიკოსები ვარაუდობენ, რომ სანაპირო ზოლს 2 მეტრიანი ტალღები დაატყდება თავს.

1948 წლიდან საშობაო პერიოდში ქვეყანას სულ ცოტა შვიდი ტაიფუნი დაატყდა თავს.