ვეტერანების საქმეთა სახელმწიფო სამსახურის დირექტორმა ირაკლი შიხიაშვილმა დღეს ვეტერანების არასამთავრობო ორგანიზაციებს ესპანეთის სამეფოში სამუშაო ვიზიტის შედეგები გააცნო და პრეზენტაცია წარუდგინა.

ირაკლი შიხიაშვილის ორგანიზებით, ვეტერანებისთვის  სამკურნალო-სარეაბილიტაციო ცენტრის მშენებლობას ესპანელები გეგმავენ. ცენტრი რეგიონული მასშტაბის იქნება და მის შექმნაში  25 მილიონი ევრო დაიხარჯება. 3-4 წლის განმავლობაში ესპანელები  ცენტრის მშენებლობას დაასრულებენ.  ამის შემდეგ ქართულმა მხარემ  25 წლის განმავლობაში ეპანელების მიერ ჩადებული ინვესტიცია უნდა გამოისყიდოს.  სამკურნალო-სარეაბილიატაციო ცენტრი ამიერკავკასიაში ერთადერთი  იქნება .ესპანური მხარე სამედიცინო პერსონალს გადაამზადებს და  ცენტრი კვალიფიციური კადრებით დაკომპლექტდება. ვეტერანებს ექნებათ საკუთარი სპეციალიზირებული კლინიკა.

შეხვედრა კითხვა-პასუხის რეჟიმში გაგრძელდა. შეხვედრაზე საზოგადოებრივი სათათბირო დარბაზის შექმნის იდეას ჩაეყარა საფუძველი, რომელშიც სხვადასხვა პროფესიის ადამიანები გაერთიანდებიან და სამსახურთან ერთად ვეტერანების საკითხებზე იმუშავებენ.