სამგორის რაიონში, ვარკეთილი 3-ის IV მ/რ-ში მდებარე №196 ბაღის ავარიულ ფლიგელს გამაგრება-აღდგენა-რეკონსტრუქცია ჩაუტარდა. შენობის ეს ნაწილი წლების განმავლობაში უფუნქციოდ იყო დარჩენილი. ინფორმაციას ამის შესახებ თბილისის მერია ავრსელებს.

„გამაგრდა შენობის ავარიული ნაწილის საძირკველი, მოეწყო ბაღის შიდა სივრცე, გარემონტდა შენობის გარე ფასადი, გაკეთდა ღობე, შენობაზე დამონტაჟდა პანდუსი.  

სამუშაოების შედეგად ბაღს 4 ახალი ჯგუფი დაემატა. შესაბამისად, სასწავლო-სააღმზრდელო პროცესში  დამატებით 150-მდე ბავშვი ჩაერთო.

ბაღის გამაგრება-აღდგენა-რეკონსტრუქციის სამუშაოების ღირებულებამ 464 000 ლარი შეადგენა", - ნათქვამია მერიის მიერ გავრცელებულ ინფორმაციაში.