საპარლამენტო უმრავლესობის წევრი,ბექა ოდიშარია 2017 წელს კრწანისის რაიონში ხვდება. როგორც მან „რეპორტიორთან" საუბრისას აღნიშნა, ახალი წლისთვის ნაძვის ხის სათამაშოებს ყოველ წელს აახლებს.

- სად ხვდებით ახალ წელს?

- 2017 წელს კრწანისის რაიონში შევხვდები, ზუსტად რა ადგილას, ჯერ არ ვიცი.

- საახალწლო სამზადისში თუ იღებთ მონაწილეობას?

- მხოლოდ ნაძვის ხეს ვაწყობ და ვაახლებ სათამაშოებს.

- საახალწლოდ რაიმე განსაკუთრებული ტრადიცია ხომ არ გაქვთ ოჯახში?

- როგორც წესი ჩემი მეგობრები ჩემთან იკრიბებიან და ერთად ვხვდებით ახალ წელს.

- მეკვლის ტრადიციაზე რას ფიქრობთ?

- ვფიქრობ, რომ ძალიან სასიამოვნო ცრურწმენაა.

- განსაკუთრებით თუ დაგამახსოვრდათ რომელიმე ახალი წელი?

- ყველაზე კარგად, მაინც ბავშვობის ახალი წელი მახსოვს, როდესაც ბებია და ბაბუა ჯერ კიდევ ცოცხლები იყვნენ, ოჯახის წევრებიც უფრო მეტნი ვიყავით. თუმცა, ახლა ბედნიერი ვარ, რომ ახალ წელს შვილებთან ერთად აღვნიშნავ.

- რას უსურვებდით ქვეყანას და მოქალაქეებს?

- ჩვენს საზოგადოებას ბარაქიან წელს ვუსურვებ. ჩვენ ძალიან საინტერესო და რთულ დროში ვცხოვრობთ, ამიტომ ყველაზე მეტად მაინც მშვიდობა გვჭირდება, რა თქმა უნდა, ეკონომიკურ სტაბილურობასა და ჯანმრთელობასთან ერთად.