თბილისის საკრებულოს წევრი „რესპუბლიკელი" დავით ზურაბიშვილი საახალწლო სამზადისში მონაწილეობას არ იღებს. როგორც მან „რეპორტიორთან" აღნიშნა ძირითადად ახალ წელს ოჯახში ხვდება, გამონაკლისი კი  2003 წელს იყო.

- სად ხვდებით ახალ წელს?

- ახალ წელს ძირითადად სახლში ვხვდები.

- საახალწლო სამზადისში თუ იღებთ მონაწილეობას?

- არა, ამ დროს სახლიდან მაგდებენ, ხელს გვიშლიო.

- ოჯახში რაიმე განსკაუთრებული ტრადიცია ხომ არ გაქვთ?

- არა, არაფერი. ჩვეულებრივ აღვნიშნავთ ახალი წლის დადგომას.

- მეკვლის ტრადიციაზე რას გვეტყვი, არის თქვენთვის მნიშვნელოვანი?

- რასაკვირველია, ასეთი ტრადიციაა და ბუნებრივია დიდი ხალისით ვიცავთ.

- განსაკუთრებულად თუ დაგამახსოვრდათ რომელიმე ახალი წელი?

- 2003 წელს ახალ წელს რესპუბლიკის მოედანზე შევხვდი, მაშინ ვამბობდი, ქუჩაში პირველად ვხვდები ახალ წელს და იქნებ რაიმე ცვლილება იყოს-მეთქი. ასე აგიხდა ყველაფერი, იმ წელს იყო ცვლილებები თუ იყო. მას მერე ახალ წელს ქუჩაში არ შევხვედრილვარ.

- რას უსურვებდით ქვეყანასა და მოქალაქეებს?

- ყველაფერს კარგს, წარმატებებს ყველა მიმართულებით.