სრულიად საქართველოს კათოლიკოს-პატრიარქის, უწმინდესისა და უნეტარესის ილია მეორის ლოცვა-კურთხევით, ბორჯომისა და ბაკურიანის ეპარქიას ეპისკოპოსი ლაზარე (სამადბეგიშვილი) უხელმძღვანელებს.

ეპისკოპოსი ლაზარე ბორჯომისა და ბაკურიანის ეპარქიის მმართველად გუშინ წარადგინეს. აღნიშნულთან დაკავშირებით წმ. ნიკოლოზის სახელობის საკათედრო ტაძარში პარაკლისი შესრულდა, რომელსაც წმინდა სინოდის მღვდელთმთავრები ესწრებოდნენ.

მეუფე ლაზარე ბორჯომში ჩასვლამდე ავსტრია-გერმანიის ეპარქიაში მოღვაწეობდა. იგი ეპისკოპოსად 2014 წლის 11 ივნისს აკურთხეს.