საქართველოს პრემიერ-მინისტრმა გიორგი კვირიკაშვილმა სომეხ თანამოქალაქეებს და სომეხ ხალხს ქრისტეს შობისა და ნათლისღების დღესასწაული მიულოცა.

„ჩვენს სომეხ თანამოქალაქეებს და მოძმე სომეხ ხალხს ვულოცავ ქრისტეს შობისა და ნათლისღების დღესასწაულს.

საამაყოა, რომ ჩვენ შევინარჩუნეთ ძმობა და მეგობრობა, რომელიც საუკუნეებს ითვლის. მჯერა, რომ ქართველები და სომხები სიყვარულითა და პატივისცემით გავაგრძელებთ თანაცხოვრებას და კიდევ უფრო გავაძლიერებთ ჩვენს ქვეყანას.

ყველას ვუსურვებ მშვიდობას, კეთილდღეობასა და წარმატებებს." - ნათქვამია პრემიერის მილოცვაში.