„საზოგადოებრივი მაუწყებლის" გენერალურმა დირექტორმა ვასილ მაღლაფერიძემ „საზოგადოებრივი მაუწყებლის" პირდაპირ ეთერში განაცხადა, რომ საზოგადოებრივმა მაუწყებელმა უნდა დაიწყოს ბრძოლა მედია ბაზარზე.

„განსაკუთრებით დიდი მადლობა მათ, ვინც მენდო და ასეთი დიდი პასუხისმგებლობა დამაკისრა. მე ნამდვილად ვგრძნობ ამ პასუხიოსმგებლობას და ვიცი რა მოლოდინიც არსებობს. მე უკვე მინდა ვთხოვო მთელ კოლექტოვს, რომ ორშბათ დილიდან ვიწყებთ ძალიან დაძაბულ მუშაობას. ეს არის პირველი გეგმა, რომ საზოგადოებრივმა მაუწყებელმა უნდა დაიწყოს ბრძოლა, რათა გავხდეთ ერთ-ერთი ძირითადი მოთამაშე მედია ბაზარზე. ჩვენ კონკრეტულ სამოქმედო გეგმას ვიწყებთ ორშბათიდან. უნდა აღვწეროთ სიტუაცია, ინვენტარიზაცია უნდა ჩავატაროთ რა შესაძლებლობები გაგვაჩნია და ვიწყებთ გრძელვადიანი გეგმის გაკეთებას", - განაცხადა ვასილ მაღლაფერიძემ.