აშშ-ის პრეზიდენტმა ბარაქ ობამამ თავის გამოსამშვიდობებელ გამოსვლაში განაცხადა, რომ მისი 8-წლიანი მმართველობისას ამერიკის სპეცსამსახურებმა „ათიათასობით ტერორისტი" გაანადგურეს.

„ჩვენ ათიათასობით ტერორისტი გავანადგურეთ, მათ შორის უსამა ბენ ლადენი. „ისლამური სახელმწიფოს" წინააღმდეგ საერთაშორისო კოალიციამ, რომელსაც თავში ჩვენ ვუდგავართ, მათი ლიდერებიც გაანადგურა.

„ისლამური სახელმწიფო" განადგურდება და ვინც საფრთხეს უქმნის აშშ-ის, თავს უსაფრთხოდ ვერასოდეს იგრძნობს", - განაცხადა ბარაქ ობამამ.