ინდოეთის აღმოსავლეთ ნაწილში, ბიჰარის შტატში ქალქ პატნას სიახლოვეს მდინარე განგზე სამგზავრო ნავის გადაბრუნების შედეგად 26 ადამიანი დაიღუპა.

სამართალდამცველების თქმით, 13 ადამიანის გადარჩენა შესაძლებელი გახდა.

ნავს მოსავლის ინდური დღესასწაულის, მაკარა-სანკრანტის მონაწილეები მდინარეზე გადაჰყავდა. უკვალოდ გაუჩინარებულთა ძებნა ამ დრომდე მიმდინარეობს, თუმცა მგზავრთა ზუსტი რაოდენობის დასახელება არავის შეუძლია.

არსებული ცნობის მიხედვით, ნავზე, სულ მცირე, 40 ადამიანი იმყოფებოდა.