სასამართლო პროცესის დასრულების შემდეგ მაკა ასათიანის ადვოკატმა გიორგი გვენეტაძემ კომენტარი გააკეთა გავრცელებულ ინფორმაციაზე, რომლის თანახმადაც, მაკა ასათიანი შპს „სტუდია მაესტროს" 25%-იან წილს გია გაჩეჩილაძეზე ასხვისებს. გიორგი გვენეტაძემ ინფორმაცია უარყო.

„მაკა ასათიანს წილი გია გაჩეჩილაძისთვის არ მიუყიდია. გავრცელებული ინფორმაცია არის არასწორი, მცდარი, დეზინფორმაცია. მოლაპარაკებები ამჟამად ამ საკითხზე არ მიმდინარეობს", - განაცხადა გიორგი გვენეტაძემ.