NATO-ს გენერალური მდივანი იენს სტოლტენბერგი ალიანსის ობიექტებზე ჰაკერული შეტევების მზარდი რაოდენობით შეშფოთებულია.

„ჩვენი უახლესი მონაცემებით, გასულ წელს NATO-ს ობიექტებზე თვეში საშუალოდ 500 ჰაკერული შეტევა ხორციელდებოდა. ეს 60 %-ით მეტია 2015 წელთან შედარებით.  მე ძალიან შეშფოთებული ვარ ამ მაჩვენებლის ზრდით. NATO-ს შემდეგ სამიტზე კიბერშეტევებისგან დაცვის თემა მნიშვნელოვან როლს ითამაშებს. ჩვენ მომავალშიც დიდ ყურადღებას დავუთმობთ ამ თემას", - განაცხადა იენს სტოლტენბერგმა.