აშშ-ის ახლად არჩეული პრეზიდენტი დონალდ ტრამპი დღეს ინაუგურაციის შემდეგ პირველი აღმასრულებელი ბრძანებების ხელმოწერას აპირებს.

სააგენტო „Reuters"-ის ინფორმაციით, ტრამპი თავის უფლებამოსილებას გამოიყენებს, რათა პირველი ნაბიჯები გადადგას ისეთ საკითხებში როგორიც არის: მექსიკასთან საზღვარზე კედლის აშენება და იმიგრაციის შეზღუდვა. გარდა ამისა, ის აპირებს ობამას ზოგიერთი ბრძანების გაუქმებას.

შაბათს ტრამპი ასევე ეწვევა აშშ-ის ცენტრალური სადაზვერვო სააგენტოს შტაბ-ბინას, რომელსაც ბოლო პერიოდის განმავლობაში მკვეთრად აკრიტიკებდა.

უკვე შეარჩიეს 200-მდე ბრძანება, რომელსაც ტრამპი სავარაუდოდ ხელს მოაწერს. აშშ-ის ახლად არჩეული პრეზიდენტი ყველაზე მნიშვნელოვან ბრძანებებს შეარჩევს და მათ ხელს მოაწერს.