The Independent-ის ინფორმაციით, ამერიკის შეერთებული შტატების პრეზიდენტმა დონალდ ტრამპმა სხვადასხვა ქვეყნებიდან ამერიკის 80-მდე ელჩი დაკავებული თანამდებობებიდან გაათავისუფლა ისე, რომ სხვა დიპლომატებით არ ჩაუნაცვლებია.

ტრამპის მოთხოვნით, აშშ-ის ელჩებს სხვადასხვა ქვეყანაში თანამდებობის დატოვების ვადა 20 იანვრამდე ჰქონდათ მიცემული.

ამასთან, ეს გადაწყვეტილება არ შეეხო აშშ-ის ელჩს აზერბაიჯანში.

„ელჩი რობერტ სეკუტა არ ირიცხება გათავისუფლებულ დიპლომატებში. ის არ არის ობამას მიერ დანიშნული, ის კარიერული დიპლომატია, ამიტომ სეკუტა გააგრძელებს თავის მოღვაწეობას აზერბაიჯანში", - განუცხადეს აზერბაიჯანულ გამოცემა haqqin.az-ს აშშ-ის საელჩოში.