BBC-ის ინფორმაციით, გერმანიის პრეზიდენტმა იოაჰიმ გაუკმა საგარეო საქმეთა მინისტრის თანამდებობაზე გერმანიის სოციალ-დემოკრატიული პარტიის ლიდერი ზიგმარ გაბრიელი დანიშნა.

ამ დრომდე აღნიშნულ თანამდებობას ფრანკ-ვალტერ შტაინმაიერი იკავდებდა, რომელმაც 2 დღის წინ განაცხადა, რომ თანამდებობას ტოვებს და საპრეზიდენტო არჩევნებში მონაწილეობას მიიღებს.

საპრეზიდენტო კანდიდატად შტაინმაიერი გერმანიის კანცლერმა ანგელა მერკელმა დაასახელა. ის, სავარაუდოდ,  12 თებერვლის შემდეგ იოაჰიმ გაუკს შეცვლის.

ფრანკ-ვალტერ შტაინმაიერი გერმანიის საგარეო საქმეთა მინისტრის თანამდებობას 2005 წლიდან იკავებდა.