აჭარაში თოვლის საფარი 30-დან 45 სანტიმეტრამდე აღწევს.

საავტომობილო გზების რეგიონული სამსახურის უფროსის ზურაბ სიხარულიძის განცხადებით, აჭარაში ცენტრალურ საავტომობილო გზაზე გადაადგილებასთან დაკავშირებით პრობლემები არ შექმნილა.

„ჩვენი თანამშრომლები ამ დრომდე მუშაობენ, რათა მოქალაქეებს გადაადგილების პრობლემა არ შეექმნათ. ნალექი აჭარის დაბლობში 30-45 სანტიმეტრამდე აღწევს. გაწმენდით სამუშაოებთან ერთად ტექნიკური მარილი ინტენსიურად იყრება. მოქალაქეებს მოვუწოდებთ, რომ მოცურების საწინააღმდეგო ჯაჭვები გამოიყენონ", - განაცხადა ზურაბ სიხარულიძემ.