„აფხაზეთისთვის ელექტროენერგიის შესყიდვას მხოლოდ ის გააპროტესტებს, ვინც საქართველოს ნაწილად არ აღიარებს აფხაზეთს", - კომენტარს ანალიტიკოსი არჩილ გამზარდია აკეთებს, რომელსაც გთავაზობთ:

„საქართველო თუ თვლის აფხაზეთს თავის ნაწილად, ისევე უნდა იზრუნოს ამ რეგიონზე, როგორც დანარჩენ საქართველოზე. საინტერესო ისაა, რომ არც აფხაზეთია წინააღმდეგი, საქართველოზე იყოს დამოკიდებული.

ჩვენს პოლიტიკოსებს მოვუწოდებდი, მეტი სიფრთხილე გამოიჩინონ მსგავსი საკითხების შეფასებისას, რომ თავისდაუნებურად დიფერენცირებას არ შეუწყონ ხელი, არამედ იგრძნონ ვალდებულება საკუთარი რეგიონის მიმართ", - ამბობს გამზარდია.