სააგენტო DHA-ს ინფორმაციით, თურქეთის პოლიციამ ქვეყნის მასშტაბით ჩატარებული ანტიტერორისტული ოპერაციის შედეგად 400-მდე ადამიანი დააკავა, რომელთაც ბრალად „ისლამურ სახელმწიფოსთან" კავშირი ედებათ.

მანამდე სააგენტო ანადოლუ იუწყებოდა, რომ ანკარის პოლიციამ იგივე ბრალდებით 60 ადამიანი დააკავა. დაკავებულთა შორის უმრავლესობა უცხოელია. ამასთან, საპოლიციო რეიდები მოეწყო სტამბოლში, იზმირისა და კოჯაელის პროვინციებში.