„მე ვეთანხმები ია ანთაძეს და მომხრე ვარ ტელევიზიაში ატესტაციის და კონკურსის ჩატარების..." - ასე ეხმიანება ჟურნალისტი გიორგი ფოფხაძე „საზოგადოებრივი მაუწყებლის" გენერალური დირექტორის მრჩევლის ია ანთაძის განცხადებას, რომლის თანახმადაც, ტელევიზიაში დასაქმებულებს ტესტირება უნდა ჩაუტარდეთ.   

„ამასთანავე ატესტაცია ჩაუტარდეს იმ ადამიანებს, რომლებიც ახლა განსაზღვრავენ ინფორმაციის და მიმდინარე ამბების პოლიტიკას, სტრატეგიას და მენეჯმენტს... თორემ მე და „მოამბის" ჟურნალისტებს არანაირი ატესტაციის და ტესტირების არ გვეშინია... მოდით, აი, „სათავიდან" დავიწყოთ ტესტირებები და ატესტაციები.. იმიტომ რომ, თევზი ხომ თავიდან ყროლდება, ბატონებო?" - წერს ფოფხაძე.