მთარგმნელი, მწერალი და ფილოსოფოსი ბაჩანა ბრეგვაძე მთაწმინდის პანთეონში დაკრძალეს. დაკრძალვას მთავრობის წარმომადგენლებთან ერთად საქართველოს ყოფილი პრემიერ-მინისტრი ბიძინა ივანიშვილიც ესწრებოდა.

ივანიშვილის თქმით, ბაჩანა ბრეგვაძე „განათლებულობის ეტალონი" იყო და უდიდესი საგანძური დაუტოვა საქართველოს.

„დღეს ჩვენ უკანასკნელ გზაზე გავაცილეთ პიროვნება, რომელიც გახლდათ განათლებულობის ეტალონი. ეტალონური გახლდათ მისი ცხოვრების წესიც. ის ფუტკარივით, უანგაროდ მუშაობდა და უამრავი საგანძური დაუტოვა ჩვენს სამშობლოს", - განაცხადა ბიძინა ივანიშვილმა.