საპარლამენტო არჩევნებში „რესპუბლიკელების" შესაძლო დამოუკიდებლად მონაწილეობის საკითხს საპარლამენტო უმრავლესობის წევრი გიორგი ვოლსკი გამოეხმაურა. მისი თქმით, პოლიტიკურ ცხოვრებაში შესაძლოა, რაღაც შეიცვალოს.

„მიმდინარეობს პოლიტიკური ცხოვრება და რაღაც შეიძლება შეიცვალოს. პარტიაში შიდა კონსულტაციები მიმდინარეობს და განცხადებას თავად გააკეთებენ. აქსიომაა, რომ კოალიციურ რეჟიმში მუშაობას, დივერსიფიკაციას, მრავალფეროვნებას ბევრი დადებითი აქვს. გადაწყვეტილება შეიძლება იყოს სხვანაირიც, თუმცა მე ამასთან დაკავშირებით აჟიოტაჟს არ შევქმნიდი. ვნახოთ, განცხადებას თავად გააკეთებენ", - განუცხადა ჟურნალისტებს გიორგი ვოლსკიმ.