სააგენტო „როიტერის" ინფორმაციით, პაკისტანის ქალაქ ლახორში მომხდარი ორი აფეთქების შედეგად 8 ადამიანი დაიღუპა, 30-ზე მეტი კი დაიჭრა.

დაღუპულთა და დაშავებულთა ზუსტი რაოდენობა ჯერჯერობით უცნობია.

შეგახსენებთ, რომ პაკისტანში ბოლო რამდენიმე დღეში ტერაქტების სერია განხორციელდა. აფეთქებების შედეგად, საერთო ჯამში, 100-ზე მეტი ადამიანი დაიღუპა. ქვეყნის ხელისუფლებამ კონტრტერორისტული ოპერაცია დაიწყო. პაკისტანურმა ძალოვანმა უწყებებმა ავღანეთთან საზღვარიც კი დახურეს.