საქართველოს ყოფილმა პრემიერ-მინისტრმა ბიძინა ივანიშვილმა საქართველოს კათოლიკოს-პატრიარქი ილია მეორე მოინახულა. ამის შესახებ „კვირას" საპატრიარქოში განუცხადეს.

ივანიშვილი საპატრიარქოში მეუღლესთან ერთად იმყოფებოდა. მან საპატრიარქო დაახლოებით 15 წუთის შემდეგ უკომენტაროდ დატოვა.

შეგახსენებთ, რომ კათოლიკოს-პატრიარქს ილია მეორეს გერმანიის ერთ-ერთ კლინიკაში ნაღვლის ბუშტზე ლაპარასკოპიული მეთოდით ოპერაცია 13 თებერვალს ჩაუტარდა. უწმინდესი საქართველოში 18 თებერვალს დაბრუნდა.